ENSEMBLE DISCANTUS
Grupo vocal feminino
Domingo día 15, Catedral de Ourense, 20:45 h

Brigitte Lesne, dirección
Hélène Decarpignies, Anne Guidet, Lucie Jolivet, Brigitte Le Baron, Brigitte Lesne, Catherine Schroeder, Catherine Sergent.

O conxunto vocal feminino Discantus, composto habitualmente por entre cinco e dez mulleres, resucita as músicas sacras da Idade Media, desde as primeiras notacións occidentais do século IX ata o século XV, e converteuse nun referente internacional deste tipo de música.
Fundado a principios dos anos 90 pola súa directora Brigitte Lesne, reúne cantantes de orixes diversas pero capaces de crear un grupo coherente e á vez con timbres individuais ben diferenciados.
Apoiándose especialmente no canto gregoriano, Discantus insufla nova vida á Ars Antiqua, época marcada polo apoxeo das grandes peregrinaxes, como a de Santiago de Compostela, e a construción de grandes catedrais, como a de Notre-Dame de París.
Os seus programas elabóranse dun xeito minucioso, recompilando manuscritos e transcribindo con paciencia cada obra que interpreta. Este é un labor que realiza principalmente a súa directora Brigitte Lesne. Os temas que escolle como fío condutor dos mesmos aluden especialmente á muller, á maternidade, á Virxe María ou aos cantos conventuais das monxas. Discantus faise tamén acompañar habitualmente por algúns instrumentos, ás veces por un coro infantil ou tamén polo grupo instrumental Alla Francesca, combinando así música sacra e profana. É frecuente a súa presenza nos grandes festivais de Europa –Croacia, Eslovenia, Eslovaquia, Hungría, Polonia, Checoslovaquia, Francia e Bélxica–, pero tamén actuou en países doutros continentes como Marrocos, Líbano, Estados Unidos, Australia, Colombia, Ecuador e México. Na súa ampla discografía, destacan varios CD premiados co prestixioso galardón Diapason D’Or.

UNIVERSI POPULI
(Música sacra na Bohemia medieval de principios do Renacemento. Manuscritos de Praga)

Parte I

Lux vera lucis radium – Himno a Santa Ludmila
Festivali melodia te laudamus o Maria – Tropo de Benedicamus domino

Virga Yesse floruit – Tropo de Benedicamus domino
Ad honorem sempiterni regis – Tropo de Benedicamus domino
Salve pater optime – Prosa de San Wenceslao

Salve virgo gloriosa – Antífona tropada
Ave virgo virginum – Conducto

Sanctus – Deus rerum principium – Tropo do Sanctus

Wenceslaus, dux gracie – Reponsorio, oficio de San Wenceslao
Castus mente corpore / Preclaris – Reponsorio e tropo, ofcio de San Wenceslao

Universi populi simul iam gaudete – Cantio
In illo tempore intravit Jhesus in quoddam castellum – Lectura
Veni sancte spiritus / Da gaudiorum premia / Veni – Motete

Parte II

Rorate celi desuper – Introito
Hac nube irrorante – Cantio

Nobis est natus hodie de pura virgine – Cantio
Natus est / Quem laudavere / Huius sit memoria – Motete

Imperatrix angelorum – Prosa
Jesu dulcis mater bona – Cantio

O deus pater ingenite – Tropo do Kyrie
Alleluia – Ave benedicta Maria – Tropo de Alleluia

Nostra iocunda curia / Eya / Unde gaudent angeli – Motete
Sanctus – Sanctus

O florens rosa – Antifona
O regina lux divina – Cantio

Deus omnipotens a morte resurgens – Cantio
Christus surrexit / Chorus nove Ierusalem / Christus surrexit – Motete