Un ano despois da exitosa celebración da primeira edición do Festival Internacional de Música de Ourense Pórtico do Paraíso, o sedimento deixado pola brillante edición de 2008 impúlsanos a repetir aquela marabillosa experiencia.

O formato, os contidos e o altísimo nivel de calidade do programa do ano pasado acadaron con creces o obxectivo de situar a Ourense nun club ao que pertence por dereito propio: o da cidade bimilenaria de Europa, cunha secular tradición cultural e unha longa traxectoria cosmopolita.

Como Alcalde de Ourense, fago un chamamento aos nosos conveciños a que gocen masivamente dos concertos e das veladas divulgativas comprendidas nesta segunda edición do Festival Pórtico do Paraíso.

Ourense será música desde febreiro, e todos nós formaremos parte dunha partitura maxistral que encherá de harmonía a toda a cidade.

Francisco Rodríguez Fernández
ALCALDE de OURENSE