LES ÉLÉMENTS
Día 4 - CATEDRAL DE OURENSE - 21:00 H.
ELEMENTS
BIOGRAFÍA

Iberia

polifonías españolas e portuguesas de onte e de hoxe

Tras a súa creación en 1997 Les Éléments, dirixido polo seu fundador Joël Suhubiette, posicionouse en poucos anos como un dos principais protagonistas da actividade coral en Francia. En 2005, a Académie des Beaux-Arts de Francia outorgoulle o premio Liliane Bettencourt ao mellor canto coral e, un ano máis tarde, foi nomeado conxunto do ano na cerimonia das Victoires de la Musique Classique. O coro actúa nos máis prestixiosos escenarios franceses, ademais de asistir en múltiples ocasións como convidado a Canadá, Estados Unidos, Líbano, Exipto, España, Alemaña, Italia, Grecia, Gran Bretaña, Suíza, Países Baixos e Tunes, entre outros.

Colaboran periodicamente coa Orchestre National du Capitole de Toulouse e coa Orchestre de Chambre de Toulouse. Desde 2008 é coro convidado da Opéra Comique de París, do Théâtre des Champs-Élysées e da orquestra Le Cercle de l’Harmonie para realizaren producións escénicas.

Les éléments ten varios CD editados polas discográficas L’Empreinte Digitale, Hortus, Virgin Classics e Naïve.

O coro ten un convenio co Ministère de la Culture et de la Communication, e recibe apoios do banco francés Société Générale, da École d’économie de Toulouse e da Fondation Daniel et Nina Carasso.

VÍDEO