Spanish Brass Luur Metalls
Día 13 - TEATRO PRINCIPAL - 19:00 H.
Comprar entradas: www.teatroprincipalourense.com
BIOGRAFÍA

Obras de Bach, Verdi, Persichetti, Piaf, Palau, Piqueras, Cardo, Jobim e Morgan 

Cunha traxectoria de máis de 25 anos no mundo da música de cámara, Spanish Brass Luur Metalls é un dos quintetos máis dinámicos e consolidados do panorama musical español. Ademais de ter participado nalgúns dos festivais máis importantes de música e de realizar actuacións por todo o mundo, tocou na gala dos Premios Príncipe de Asturias en 1995, gravaron a música da obra teatral La Fundación, de Buero Vallejo para o Centro Dramático Nacional, e a banda sonora da película Descongélate, de Félix Sabroso, para a produtora El Deseo. Publicou vinte traballos discográficos, entre eles un DVD-CD e un dobre CD recompilatorio, que mostran as súas múltiplas facetas: Luur-Metalls Spanish Brass Quintet (1996), No Comment (1998), La Escalera de Jacob (2000), SPANISH BRASS Luur Metalls & Friends (2001), Delicatessen (2002), Caminos de España (2003), Absolute con Christian Lindberg e Ole E. Antonsen (2004), Gaudí’um (2005), Metàl.lics (2006), Retaule de Nadal co Orfeó Valencià Navarro Reverter (2006),

SBALZ Brass Ensemble (2007), Brass and Wines con Steven Mead (2008) e Brassiana con Lluís Vidal Trio (2008), The Best of Spanish Brass (2009), SBLM (2009), Tell me a Brass Story (2012), viBRASSions (2012), Metalls d’Estil con Pep “Botifarra” (2013), 25 (2014) e SuBLiMe Christmas (2014).

Paralelamente á actividade de concertos, SBLM organiza tres festivais dedicados aos instrumentos de metal de carácter internacional: o Festival Spanish Brass Alzira (www.sbalz.com), o Brassurround (www.brassurround.com) e o Brass&Wines (www.brassandwines.com), onde se reúnen cada ano destacados solistas internacionais, grupos e profesores de metal de maior prestixio internacional.

O grupo está patrocinado por Buffet Group e toca con trompetas B&S, trompa Hans Hoyer, trombón Courtois e tuba Melton. Ademais, recibe apoio da Generalitat Valenciana e do Ministerio de Cultura-INAEM.

VÍDEO