O ensemble vocal Gentlemen Singers é o único octeto vocal masculino profesional da República Checa. O grupo gañou varias competicións internacionais e frecuentemente forma parte da programación dos festivais máis prestixiosos do mundo, desde os Estados Unidos a Corea do Sur. Deu máis de 500 concertos en vinte e tres países de catro continentes e editou sete CD desde a súa formación en 2003, con grande éxito e moi boas críticas.

Os seus compoñentes tamén organizan unha vez ao ano o festival Sborovés lavnosti • Czech Choir Festival na localidade de Hradec Králové, na República Checa.

Con este festival pretenden promover a música checa fóra do seu país e, asemade, daren a coñecer a coros de distintos países do mundo na República Checa.

Parte fundamental da actividade dos Gentlemen Singers é a educación musical. Organizan distintos cursos e clases maxistrais tanto para coros como para solistas. Os membros do grupo nútrense da propia experiencia froito da colaboración con outros grupos, directores, mestres de coro e compositores.

Gentlemen Singers converteuse en embaixador da escola coral checa e recibe o apoio oficial do concello de Hradec Králové, do goberno da rexión de Hradec Králové e do Ministerio de Cultura da República Checa.