Formado polo Centro de Música Antiga de Gran Bretaña
para unha serie de actuacións nacionais en 1988, The
Orlando Consort converteuse rapidamente nun dos máis
reputados e innovadores expoñentes do repertorio vocal
dos séculos XI a XIV.
Os catro membros do Consort son solistas recoñecidos
e premiados pola súa experiencia en grupos como The
Tallis Scholars, The Gabrieli Consort ou The Taverner Consort.
En colaboración cos mellores expertos en música
medieval e renacentista, The Orlando Consort estreou un
repertorio fascinante non escoitado hoxe en día,
e estableceu novas bases de interpretación, especialmente
en materia de pronunciación e afinación.
A investigación das técnicas extraordinarias
da polifonía aquitana do século XII valeulle
en 1996 o premio Noah Greenberg da Sociedad Americana de
Musicología.
|
The Orlando Consort, invitado con frecuencia aos festivais
internacionais de Europa e América do Sur, realiza
extensas actuacións por Estados Unidos, Rusia, Canadá
e Xapón. En abril de 2002, o Consort ofreceu o concerto
inaugural do Centro Nacional de Música Antiga en York.
O grupo recibiu numerosas distincións, entre as
que se inclúen o premio Gramophone de Música
Antiga de 1996 ao seu CD titulado “The Works of John
Dunstaple” e unha nominación ao premio Edison.
Apareceu nas listaxes de candidatos para outros cinco premios
Gramophone. Teñen máis de vinte CD editados
nos selos Saydisc, Metronome, Deutsche Grammophon e Harmonia
Mundi USA, compañía para a que agora grava
en exclusiva.
“The Orlando Consort’s performances are staggeringly
beautiful”
The Times |
