PRESENTACIÓN
Quen somos

O Festival Internacional de Música de Ourense Pórtico do Paraíso naceu en febreiro de 2008 para tratar de encher un baleiro na vida musical da cidade. Foi pensado para ofrecer ao seu público a posibilidade de escoitar solistas e grupos dunha calidade moi alta ou incluso excepcional no mellor do noso patrimonio arquitectónico.

A Catedral, de cuxo Pórtico toma o nome o Festival, ten un especial protagonismo pois nela ábrese cada edición cun concerto de música sacra. Paralelamente, celébranse, segundo a edición, exposicións, mesas redondas, conferencias, encontros e clases maxistrais, polo que toda a cidade respira música durante os dez días que dura o evento.

O Concello de Ourense asume a organización do Festival, e a Deputación de Ourense xunto coa Asociación Pórtico Musical a coorganización.
A Xunta de Galicia a través da AGADIC refórzao coa súa colaboración.
Organización

Organiza: Concellería de Cultura do Concello de Ourense

Dirección artística: Juan Enrique Miguéns

Coordinación e Xestión: Conchi da Silva

Información: info@porticodoparaiso.com – www.porticodoparaiso.com

Enderezo: Festival de Música Pórtico do Paraíso, Concellería de Cultura

Rúa da Canle, 2 – 32004 Ourense