Profile GAL
XIV FESTIVAL INTERNACIONAL DE MÚSICA PÓRTICO DO PARAÍSO

do 4 ao 13 de xuño de 2021

Programación

LA REVERDIE Grupo de música medieval (Italia)
Venres, 4 de xuño de 2021 – 21:00 h
Igrexa de Santiago das Caldas (Ourense)

DANIEL LIGORIO Piano (Cataluña)
Domingo, 6 de xuño de 2021 – 20:00 h
Mosteiro de Santo Estevo de Ribas de Sil (Nogueira de Ramuín, Ourense)

NEBRA, EL TRIUNFO DE LA MÚSICA Documental (Aragón)
Venres, 11 de xuño de 2021 – 20:00 h
Teatro Principal (Ourense)

FORMA ANTIQVA Conxunto de música barroca (Asturias)
Sábado, 12 de xuño de 2021 – 20:00 h
Mosteiro de Santa María (Xunqueira de Espadanedo, Ourense)

IÑAKI ALBERDI Acordeón (País Vasco)
Domingo, 13 de xuño de 2021 – 20:00 h
Mosteiro de San Pedro de Rocas (Esgos, Ourense)

Organiza
Asociación Cultural Pórtico Musical de Ourense
http://www.asociacionporticomusical.org

Patrocina
Deputación de Ourense
https://www.depourense.es/

Colaboran
Xunta de Galicia
https://www.xunta.gal
Xacobeo 2021
https://www.caminodesantiago.gal
Concello de Nogueira de Ramuín
http://www.nogueiraderamuin.gal
Concello de Xunqueira de Espadanedo
http://www.xunqueiradeespadanedo.es
Concello de Esgos
https://concelloesgos.com

Apoian
Eligio Rodríguez
https://www.eligiorodriguezjoyeros.es
Musical González
https://www.facebook.com/Musical-González
Bodega Joaquín Rebolledo
https://joaquinrebolledo.com
Hospital CO.SA.GA.
https://cosaga.com
INAEM
https://www.culturaydeporte.gob.es

Agradecementos
Parroquia de Santiago de Las Caldas
http://www.santiagocaldas.org
Parador de Santo Estevo
https://www.parador.es/es/paradores/parador-de-santo-estevo
Teatro Principal de Ourense
http://www.teatroprincipalourense.com
Parroquia de Xunqueira de Espadanedo
https://www.turismo.gal
Conservatorio de Música de Ourense
https://www.conservatoriourense.gal
Liceo de Ourense
https://www.liceodeourense.com

Salas
Igrexa de Santiago das Caldas
Mosteiro de Santo Estevo de Ribas de Sil
Mosteiro de Santa María de Xunqueira de Espadanedo
Teatro Principal
Mosteiro de San Pedro de Rocas

Como non podía ser doutro modo neste ano santo, o Festival Pórtico do Paraíso inaugúrase cun concerto dedicado a el, vinculado ao programa “O teu Xacobeo” da Xunta de Galicia. Trátase da actuación do prestixioso grupo italiano de música antiga La Reverdie, que volve ao Festival para nos presentar o programa Santiago na devoción medieval, unha orixinal visión do santo, e a súa influencia, sobre todo, en Italia.

Tras esta inauguración, o Festival por primeira vez prosegue o resto dos seus concertos na Ribeira Sacra, xusto a poucas semanas de coñecer se a UNESCO lle concede o recoñecemento de Patrimonio da Humanidade a esta comarca. Deste xeito, súmase, con este simbólico xesto, a achegar unha maior visibilidade ao potencial cultural que posúe este lugar.

En Santo Estevo, recibimos a Daniel Ligorio, un dos pianistas de máis proxección do panorama nacional, que nos presentará o programa Catro estacións porteñas en Broadway, con obras de Gershwin e Bernstein, que ante todo é unha homenaxe ao excepcional bandoneonista e compositor arxentino Astor Piazzolla de quen, neste ano 2021, se celebra o primeiro centenario do seu nacemento no Mar del Plata.

O concerto no mosteiro de Xunqueira de Espadanedo estará a cargo do laureado conxunto de música barroca Forma Antiqva. O seu programa Farándula castiza trasládanos ao Madrid de mediados do século XVIII, un período de exacerbada creatividade musical, en que emerxe unha nova linguaxe, produto da mestura da música barroca española coa italiana proveniente dos numerosos músicos de alí que traballaban na corte.
En San Pedro de Rocas, o indiscutible referente do acordeón en España, Iñaki Alberdi, articula o seu programa Open the Door!, O acordeón a partir de Piazzolla coa constante presenza deste compositor en cada bloque, xunto a obras doutros períodos ou estilos creando un forte e suxestivo contraste sonoro, sumándose así tamén á conmemoración do centenario do xenial músico.
Alén de todas estas actuacións, teremos a oportunidade de estrear un interesantísimo documental dedicado á figura de José de Nebra (1702-1768), o compositor español máis importante do seu tempo, co valor engadido da presenza do seu director e do seu musicólogo protagonista.

Marabillosa música medieval, barroca, do século XX, contemporánea… interpretada por excelentes músicos en belos espazos coidadosamente seleccionados. O meu agradecemento ás institucións públicas e privadas que o fan posible. Que o gocen!

Juan Enrique Miguéns
Director artístico do Festival Pórtico do Paraíso

 

Presentación

O Festival Internacional de Música Pórtico do Paraíso naceu en febreiro de 2008 para tratar de encher un baleiro na vida musical de Ourense. Foi pensado para ofrecer ao seu público a posibilidade de escoitar a solistas e grupos dunha calida-de moi alta ou mesmo excepcional no mellor do noso patrimonio arquitectónico.

A Catedral de Ourense, de cuxo Pórtico toma o nome o Festival, ten un especial protagonismo, pois nela normalmente ábrese cada edición. Lamentablemente, este é o segundo Festival en que isto non foi posible pola falta de apoio do concello de Ourense a este proxecto. Paralelamente, celébranse, segundo o ano, exposicións, mesas redondas, conferencias, encontros ou clases maxistrais.

A edición de 2021, envorcada co ano santo compostelán e coa Ribeira Sacra, está patrocinada pola Deputación de Ourense e conta coa colaboración dos concellos de Nogueira de Ramuin, Xunqueira de Espadañedo e Esgos, xunto ao Xacobeo e a Xunta de Galicia. Ademais, a adega Joaquín Rebolledo, o hospital Cosaga, Eligio Rodríguez Joyeros, e a tenda de instrumentos Musical González xunto ao INAEM, refórzano co seu apoio.

Organiza

Asociación Cultural Pórtico Musical de Ourense
info@asociacionporticomusical.org
http://www.asociacionporticomusical.org

Dirección artística

Juan Enrique Miguéns
director@porticodoparaiso.com
http://www.miguens.es

Coordinación e xestión

Conchi da Silva
info@porticodoparaiso.com
http://www.shellyart.com

Web

Manuel González
webmaster@porticodoparaiso.com
http://www.porticodoparaiso.com

Enderezo

Festival de Música Pórtico do Paraíso

Apdo. 1219 – 32080 Ourense

España