ACTIVIDADES PARALELAS

CURSO DE INTERPRETACIÓN CO VIENNA CLARINET CONNECTION

Sábado 14 e domingo 15 no Conservatorio Profesional de Música  de Ourense

clarinetes_actividades
Curso de interpretación impartido polo Vienna Clarinet Connection (www.viennaclarinetconnection.org/) que se celebrará no Conservatorio Profesional de Música de Ourense

A matrícula xa está aberta e remata o día 4 de marzo.

Toda a información descargar PDF

ENCONTRO CON PAUL O’DETTE

Luns 9 ás 19:00 h. no Conservatorio Profesional de Música de Ourense

paul_actividades

O laudista estadounidense Paul O’Dette é un xenio da música, unha das figuras máis importantes e que máis influencia tivo no estudo e interpretación da música antiga. O’Dette contribuíu a definir os estándares técnicos e estilísticos aos que todo intérprete debe aspirar. A combinación de rigor histórico, capacidade comunicadora e mestría interpretativa convertérono nun referente mundial.

EXPOSICIÓN INSTRUMENTOS MUSICAIS CON HISTORIA

Do venres 6 ao domingo 15 no Museo Municipal de Ourense

De martes a sábado de 11:00 h a 13:30 h e de 18:30 h a 21:30 h  /  Domingos de 11:00 h a 13:30 h

exposicion_actividades

Instrumentos musicais con historia é unha mostra de reconstrucións de instrumentos que existieron na Idade Media e foron protagonistas da música do seu tempo. Laúdes, violas, salterios, arpas, rabeis…

Desde o laúde de Ziryab que provocaba envexas na corte da afastada Bagdad, a cítara regalada como tesouro a Afonso X o Sabio, ou o billete que levaba impreso unha viola de teclas como símbolo de identidade nacional, ata o que foi un dos primeiros instrumentos de músicos ambulantes, a zanfona, a exposición cóntanos pequenas historias sobre o papel que desempeñaron estes instrumentos nas vidas cotiás dos nosos devanceiros.

Unha colección acompañada dalgúns dos exemplos iconográficos que permiten aos intérpretes, investigadores e luthieres reconstruír estes instrumentos históricos: pinturas, esculturas, cerámicas, planos…

Unha exposición de música viva, pois todos os instrumentos da colección están en perfecto estado e son usados actualmente polos artífices desta mostra, Emilio Villalba e Sara Marina, que non só guiarán o espectador por esta viaxe ao noso pasado musical, senón que tamén realizarán demostracións e mini recitais.

  • Colección Emilio Villalba e Sara Marina (Sevilla)